Wo Pehley Jaisi Wahshatien Wo Haal Hi Nahi Raha, Sad Ghazal

"Wo pahley jaisi Wahshatien wo Haal hi nhn raha,
"K ab to shoq Rahat Wasal hi nhn raha,


"Talash-e-Rizq main ye sham isi tarah guzar gai,
"Koi hai apna Muntazar khayal hi nhn raha,


"In atay jaty roz-o-shab ki Gardshon ko daikh kr,
"Kisi k Hijar ka koi Malal hi nhn raha,


"Tumary khal-o-khad pe ik kitab likh rahy thy hum,
"Magr tumhara husn bemisal hi nhn raha,


"Sawarta Nikharta main kaisay apny ap ko,
"Tumhary bad apna kuch Khayal hi nhn raha,


"Zara si baat sy dilon main itna fark a gaya,
"Talukat ka to phir sawal hi nhn raha..