Ye Dasht-E-Hijar Ye Wahshat Ye Shaam k Saaye - Urdu Ghazal

Ye dasht-e-hijar ye wahshat ye shaam k saaye,


Khuda ye waqt teri aankh ko na dikhlaye,


Usi k naam se lafzoon main chand utray hain,



Wo aik shaks ko daikhon to aankh bhar aaye,


Jo kho chuky hain Unhein dhondna to mumkin hai,


Jo ja chuky hain Unhein koi kis trahan laaye,


Jo be-charag gharon ko charag deta hai,


Usay kaho k mere shehar main bhi aa jaaye,


Ye izteraab musalsal azab hai dost,


Wo mera nahi to kisi aur ka hi ho jaye..