Paa baa e Gil Sab Hain Rihaa e ki karey Tadabir kaun - Parveen Shakir Ghazal

Poet: Parveen Shakir

Paa baa e Gil Sab Hain Rihaa e ki karey Tadabir kaun
Dast-e-Bastaa Shahar Mein Khole Meri zanjir kaun

Mera sar hazir hai lekin mera munsif dekh le

kr raha hai meri Fard-e-Jurm ki Tahareer Kaun

Aaj Darwaazon Pe Dastak Jaani Pehchaani si hai
Aaj merey naam laata hai meri taazeer kaun

Neend jab Khawabon se pyari ho tou aisey ahad mein
Khawab dekheu kaun aur Khawabon ko de tabeer kaun

Rait abhi Pichhaley Makaanon ki na wapis aa e thi
phir lab-e-saahil ghraunda kr gaya taameer kaun

Sarey rishtey hijraton mein saath detey hain tou phir
Shehar se jaatey huey hota hai damangeer kaun

Meri chadar to chhini thi shaam ki tanhaa e ne
Beridaa e ko meri phir de gaya tashaheer kaun

Dushmanon ke saath mere dost bhi azaad hain
Dekhna hai khenchta hai mujh pe pehla teer kaun